Fúinne

Forléargas ar CGO Chontae Átha Cliath

 

 

An Coiste

Is coiste reachtúil é CGO Chontae Átha Cliath a fheidhmíonn faoi rialachas Cathaoirleach agus naoi gnáth bhall déag. Tá   ionadaithe pobail/ tráchtáil/tionscail, foireann, ionadaithe tuismitheoirí agus ionadaithe oideachais san áireamh ar an gcoiste. Tacaíonn roinnt fochoistí le hobair CGO Chontae Átha Cliath.

Soláthar Oideachais & Seirbhísí

Tá CGO Chontae Átha Cliath freagrach as 26 scoil /coláistí pobail le trí choláiste breisoideachais agus 4 Ghaelcholáiste ( ina gcuirtear iar-bhunoideachas ar fáil trí mheán na Gaeilge). Reáchtálann an Coiste 8 n-Ionad Ógtheagmhála agus 4 Ionad Oiliúna do Lucht Taistil Sinsearach.
Is cuid thábhachtach de sheirbhísí CGO Chontae Átha Cliath an t-Oideachas d'Aosaigh agus oideachas leanúnach. Tá 5 Sheirbhís Oideachais d'Aosaigh a sholáthraíonn oideachas i rith an lae agus sa tráthnóna. Ina theannta san reáchtálann an-chuid dár scoileanna dara leibhéal clár Aos Oideachais sa tráthnóna. Feidhmíonn Clár Oideachais Pobail ar fud an Chontae i gcomhpháirtíocht le grúpaí áitiúla agus le gníomhaireachtaí chun oideachas bunúsach agus cúrsaí fóillíochta a chomhlánaíonn an earnáil oideachais fhoirmiúil a chur ar fáil. Díríonn an Seirbhís don Ógra & an Seirbhís Forbartha Spóirt ar réimse leathan tacaíochtaí a chomhordaíonn  agus a sheachadann cláir oideachais, cláir spórtúil, caithimh aimsire agus cláir fhorbartha, tionscnaimh agus seirbhísí do dhaoine óga faoi mhíbhuntáiste. Déantar é seo le comhpháirtíochtaí agus le pobail áitiúla, grúpaí áitiúla, grúpaí deonacha agus le hógeagraíochtaí deonacha. 
Bíonn tionchar dearfach ag na seirbhísí a sholáthraíonn CGO Chontae Átha Cliath ar dhaoine agus ar phobail. Tá raon leathan seirbhísí ann ó oideachas príomhshrutha le Teastas Sóisearach agus Ard Teistiméireacht san áireamh go speictream leathan cláir le Cúrsaí iar-Ardteistiméireachta (PLC) Breisoideachas, Oideachas d'Aosaigh VTOS, BTE, Ógtheagmháil, Ionad Oiliúna do Lucht Taistil Sinsearach, Oideachas Pobail, cláir Litearthachta d'Aosaigh, Óg sheirbhís. I gcomhthéacs cuimsiú sóisialta agus oideachas ar feadh an tsaoil, seo thíos sprioc cliaint CGO Chontae Átha Cliath:
  • Mic léinn agus/ nó a dtuismitheoirí /caomhnóirí
  • Foghlaimeoirí Aosacha
  • Pobail ar fud an Chontae
  • Daoine óga agus saorálaithe
  • Iarratasóirí agus faighteoirí deontais faoi na scéimeanna éagsúla tacaíochta mic léinn a riarann an CGO go díreach.
  • Eagraíochtaí Deonacha agus Eagraíochtaí Spórtúla 

Ráiteas Misin

I gcomhthéacs an sainordú a tugadh do CGO Chontae Átha Cliath glacadh leis an ráiteas misin seo leanas:

“Is é misean do CGO Chontae Átha Cliath a bheith chun tosaigh ag soláthar seirbhísí oideachasúla comhtháite a chuirfidh ar chumas an aosa óig agus an duine fhásta a mbarr cumais a bhaint amach i dtimpeallacht dhearfach foghlama.
Cuirfimid comhionannas, nuálaíocht agus comhpháirtíocht chun cinn i seachadadh ár gcuid seirbhísí."

 

Tá CGO Chontae Átha Cliath ar cheann de na Coistí Gairmoideachais is mó sa tír.   Tá an Coiste arna comhdhéanamh faoin Acht Gairmoideachais a ritheadh i nDáil agus Seanad Éireann i 1930. Nuair a bhí na Coistí Gairmoideachais á mbunú áiríodh Contae Átha Cliath ina réigiún tuaithe. Ó na seachtóidí ar aghaidh, áfach, mar thoradh ar ghéar athrú déimeagrafach tharla uirbiú méadaitheach i bhfoirm bailte nua agus bruachbhailte in áiteanna a áiríodh ina gceantair tuaithe talmhaíochta roimhe seo. Mar fhreagairt ar an bhforbairt seo d'fhorbair CGO Chontae Átha Cliath go tapaigh chun freastal ar éilimh agus dúshláin na ndaonraí nua. Ina theannta san ó 1980 ar aghaidh chruthaigh   Oideachas d'Aosaigh agus Oideachas Fad Saoil cláir agus deiseanna nua. Síneann ceantar riaracháin an CGO ó Bhaile Brigín i dTuaisceart Chontae Átha    go Dún Droma i nDeisceart Co Átha Cliath agus Leamchán in Iarthar Co Átha Cliath. Tá sé uathúil sa mhéid is go gclúdaíonn sé trí Údarás Áitiúil , Fine Gall, Áth Cliath Theas agus Dún Laoghaire / Rath an Dúin / Co. Rath an Dúin gan sean bhuirg Dhún Laoghaire san áireamh. Dírítear na seirbhísí go léir ar an daonra ag an leibhéal áitiúil. Tá Ár n-Oifigí Riaracháin suite ag 1 Geata an Tuain , Cearnóg Belgard Thoir, Tamhlacht , Áth Cliath 24.